काठमाडौं । सत्ता साझेदार दल नेकपा (एकीकृत समाजवादी) ले नेकपा (माओवादी केन्द्र) सँग पार्टी एकता गर्नका लागि संयोजन समिति गठन गर्ने भएको छ । आज बुधबार बसेको एकीकृत समाजवादीको सचिवालय बैठकले यसका लागि छलफल अघि बढाउने निर्णय गरेको हो ।
आज बुधबार बसेको एकीकृत समाजवादीको सचिवालय बैठकले यसका लागि छलफल अघि बढाउने निर्णय गरेको प्रचार विभाग प्रमुख जगन्नाथ खतिवडाले बताए । यस्ता बैठकले भदौ ९ गते देशभर पार्टी स्थापना दिवस मनाउने निर्णय समेत गरेको छ ।
माअोवादी केन्द्रका अध्यक्ष पुष्पकमल दाहाल ‘प्रचण्ड’ले मंगलबार एकीकृत समाजवादीसँग एकता गर्न छिट्टै एकता संयोजन समितिको घोषणा हुने बताएका थिए ।
नेकपा (एमाले) बाट विभाजित भएपछि एकीकृत समाजवादीले भदौ ९ गते नयाँ पार्टी दर्ता गरेको थियो । भदौ पहिलो साताभित्र पार्टीले संघ र प्रदेशका लागि उम्मेदवार तय गरिसक्ने निर्णय समेत बैठकले गरेको छ ।
सचिवालय बैठकमा माओवादीसंग कार्यगत एकता वा पार्टी संयोजन गर्नेबारे छलफल भएको हो । एकीकृत समाजवादीले पार्टी एकता संयोजन समिति बनाउने वा कार्यगत एकताका विषयमा छलफल अघि बढाएहो हो ।
एकीकृत समाजवादीले चुनावपछि माओवादी केन्द्रसँग पार्टी एकता गर्ने गृहकार्य थालनी गरेको छ । चुनावपछि पार्टी एकता गर्ने गरी एकता संयोजन समिति बनाउन एकीकृत समाजवादी तयार भएको हो ।
