केन्द्रीय सुरक्षा समितिको बैठक, निर्वाचन सुरक्षा तयारीका विषयमा छलफल Nepalpatra केन्द्रीय सुरक्षा समितिको बैठक, निर्वाचन सुरक्षा तयारीका विषयमा छलफल
१५ आश्विन २०७९, शनिबार

केन्द्रीय सुरक्षा समितिको बैठक, निर्वाचन सुरक्षा तयारीका विषयमा छलफल


गृह मन्त्रालय

काठमाडौँ । सिंहदरबारमा निर्वाचन सुरक्षा तयारीका लागि केन्द्रीय सुरक्षा समितिको बैठक जारी रहेको छ । आगामी प्रतिनिधिसभा र प्रदेश सभा निर्वाचनको सुरक्षा तयारीका लागि सिंहदरबारमा केन्द्रीय सुरक्षा समितिको बैठक जारी रहेको हो ।

गृहमन्त्री बालकृष्ण खाँणको अध्यक्षतामा गृहसचिव टेकनारायण पाण्डे र रक्षासचिव किरण शर्मासहित चारवटै सुरक्षा निकायका उच्च अधिकारी सम्मिलित बैठक गृह मन्त्रालयमा जारी रहेको हो ।

बैठकमा प्रहरी महानिरीक्षक धीरजप्रताप सिंह‚ सशस्त्र प्रहरी महानिरीक्षक राजु अर्याल राष्ट्रिय अनुसन्धान विभागका प्रमुख यदुलाल खरेल र नेपाली सेनाका बलाधीकृत रथी बालकृष्ण कार्कीसहितका सुरक्षा अधिकारी सहभागी रहेका छन् ।

सरकारले मंसिर ४ का लागि प्रतिनिधिसभा र प्रदेश सभाका लागि निर्वाचन मिति घोषणा गरिसकेको छ । निर्वाचनमा चारवटै सुरक्षा निकायका पौने २ लाख सुरक्षाकर्मी र १ लाख २० हजार म्यादी प्रहरी खटाउने गरी प्रारम्भिक सुरक्षा कार्ययोजना बनेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !