चितवन । भरतपुर महानगरपालिकाकी मेयर रेनु दाहालले पदबाट राजीनामा दिएकी छन् । आगामी बैशाख ३० गते हुन लागेको स्थानीय तहको निर्वाचनमा सत्ता गठवन्धनका तर्फबाट मेयरको उम्मेदवार बन्न दाहालले आज शुक्रबार राजीनामा दिएकी हुन् ।
निर्वाचन आयोगले पुनः उम्मेदवार बन्न राजीनामा दिनुपर्ने प्रावधान राखेपछि सत्ता गठवन्धनबाट भरतपुरको मेयरमा दोस्रोपटक उम्मेदवार बन्न लागेकी दाहालले राजीनामा दिएकी हुन् । उनीसँगै वडाध्यक्ष र नगर सदस्यले पनि राजीनामा दिएका छन् ।
सत्तारुढ गठवन्धनका तर्फबाट भरतपुरको मेयर माओवादी केन्द्रले र उपमेयर कांग्रेसले पाउने सहमति भएको छ । उनले दिएको सो राजीनामा पत्र उपप्रमुख पार्वती शाह ठकुरीलाई बुझाएलगत्तै ठकुरीले राजीनामा स्वीकृत पनि गरेकी छन् ।
यस्तो छ हेर्नुहोस् रेनु दाहालको राजीनामा
