काठमाडौं । सत्तारुढ दल नेपाली कांग्रेसकी नेतृ सुजाता कोइरालाले गठबन्धनकै साथमा अगाडि बढ्दा काँग्रेसलाई फाइदा हुने बताएकी छन् ।
नेतृ कोइरालाले गठबन्धन बनेकै कारण कांग्रेसले प्रधानमन्त्री र केही मुख्यमन्त्री पाएको भन्दै गठबन्धनलाई चुनावसम्मै लैजानुपर्ने बताएकी हुन् ।
आज सानेपामा पत्रकारहरूसँग कुराकानी गर्दै उनले भनिन्, “गठबन्धन गर्ने कि नगर्ने भन्नेमा व्यापक बहस छ । मेरो विचारमा गठबन्धनसँग हामी जाँदा नै राम्रो हुन्छ । हामी कमजोर भएका ठाउँमा गठबन्धनसँगै गइयो भने जित्न सजिलो हुन्छ ।”
