काठमाडौं । अभिनेत्री करिश्मा मानन्धरले देशको विकास र समृद्धिका लागि एमालेबाट राजनीति गर्ने सोचका साथ पार्टी प्रवेश गरेको बताएकी छन् ।
आज एमाले प्रवेश गर्दै अभिनेत्री मानन्धरले अध्यक्ष केपी शर्मा ओलीको भाषण सुनेर आफू कहिल्यै नथाक्ने बताइन् ।
काठमाडौंमा मंगलबार आयोजित पार्टी प्रवेश कार्यक्रममा अभिनेत्री मानन्धरलाई अध्यक्ष ओली, महासचिव शंकर पोखरेलले एमालेमा स्वागत गरेर हुन् ।
अभिनेत्री करिश्माले बाबुराम भट्टराई नेतृत्वको नयाँ शक्ति पार्टीबाट राजनीति सुरु गरेकी हुन् ।
अभिनेत्री मानन्धरले यस क्षेत्रमा आफूले राम्रै पहिचान पाएको बताउँदै यही पहिचान सबैथोक होइन, यसको बारेमा आफ्नो मनमा प्रश्न उठेको बताइन् ।
