काठमाडौं । गृहमन्त्री बालकृष्ण खाँणले उपभोक्ता अधिकारकर्मीलाई एमसीसीको पक्षमा बोलिदिन आग्रह गरेका छन् । गृहमन्त्री खाँणले उपभोक्ता हितकै लागि सरकारले एमसीसी संसदबाट पारित गराएको समेत बताए ।
विश्व उपभोक्ता अधिकार दिवसको अवसरमा आयोजित एक कार्यक्रममा बोल्दै गृहमन्त्री खाँणले यस्तो बताएका हुन् । गृहमन्त्री खाँणले एमसीसी परियोजना घरघरमा विजुली पुर्याउनका लागि ट्रान्समिसन लाईन बनाउने परियोजना भएको बताए । गृहमन्त्री खाँणले त्यसमा कसरी राष्ट्रघात भयो भनि प्रश्न समेत गरे ।
