काठमाडौं । शिक्षामन्त्री देवेन्द्र पौडेलले नतिजा प्रकाशनमा ढिलो नगर्न त्रिभुवन विश्वविद्यालय अन्तर्गतको परीक्षा नियन्त्रण कार्यालयलाई निर्देशन दिएका छन् ।
मन्त्री पौडेलले यो अथवा त्यो बाहना नगरी समयमै विद्यार्थीको नतिजा निकाल्न निर्देशन दिए । मन्त्री पौडेल मंगलबार अनुगमन गर्न परीक्षा नियन्त्रण कार्यालय बल्खु पुगेका थिए।
कतिपय खुलेका आयोगमा परीक्षा दिन पाएनौं भन्ने विद्यार्थीको गुनासो भएको र नतिजा प्रकाशन नहुँदा विद्यार्थी त्यो अवसरबाट वञ्चित हुने अवस्था आएको भन्दै फास्ट ट्रयाकबाट नतिजा निकाल्न मन्त्री पौडेलले निर्देशन दिएका हुन् ।
