काठमाडौं । नेपाली कांग्रेसको दलिततर्फ सहमहामन्त्रीमा डा. शेखर कोइराला प्यानलका जीवन परियार विजयी भएका छन् । शेरबहादुर देउवा प्यानका मानबहादुर विश्वकर्मालाई पराजित गर्दै उनी विजयी भएका हुन् ।
उनले २२१२ मत ल्याएर विजयी भएका हुन् । उनका निकटतम प्रतिस्पर्धी मानबहादुर विश्वकर्माले २१७५ र गङ्गा सुनारले २२९ मत प्राप्त गरेका छन् । दलिततर्फ ४६७० मत खसेको थियो ।
यसअघि देउवा प्यानलका सहमहामन्त्री महिलातर्फ महालक्ष्मी डिना उपाध्याय ‘डिना’ र आदिवासी जनजातितर्फबाट भीष्मराज आङदेम्बे विजयी भएका थिए ।
