फाइल फोटो
काठमाडौं । प्रधानमन्त्री शेरबहादुर देउवा डडेल्धुराबाट महाधिवेशन प्रतिनिधि निर्वाचत भएका छन् । नेपाली कांग्रेसका सभापति देउवा सोमबार भएको जिल्ला अधिवेशनबाट महाधिवेशन प्रतिनिधि चयन भएका हुन् ।
एक नेताका अनुसार उनले ७९१ मत पाएका छन् । महाधिवेशन प्रतिनिधि चयनका लागि भएको निर्वाचनमा ८४६ मत खसेकोमा देउवाले सर्वाधिक ७९१ मत पाएका हुन् ।
स्रोतका अनुसार खुला १० महाधिवेशन प्रतिनिधिका लागि भएको निर्वाचनमा देउवासहित गोविन्दराज बोहरा, नैनसिंह महर, रघुबर भट्ट, तारक बहादुर बुढाऐर, नबलबहादुर मल्ल, जनकराज कलौनी, जगत बहादुर ऐर, नरभान कामी र सुरेश राज जोशी निर्वाचित भएका हुन् ।
