काठमाडौं । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले आफूले कारबाही गरेका माधव नेपालसहित १४ जना सांसद उपस्थित भए प्रतिनिधिसभाको बैठक चल्न नदिने चेतावनी दिएका छन् ।
बुधबार बसेको एमाले संसदीय दलको बैठकमा अध्यक्ष ओलीले कारबाही गरेका १४ जनालाई गेटबाट फर्काइन्छ कि फर्काइँदैन हेर्ने बताए । उनीहरु उपस्थित भए बैठक नै सुरु हुन नसक्ने उनले बताए।
नियमावलीअनुसार गैरसंसदको उपस्थितिमा संसद चल्न नसक्ने उनले बताए । प्रतिनिधिसभाको बैठक आज बुधबार (२३ भदौमा) बोलाइएको छ ।
