काठमाडौं । प्रमुख प्रतिपक्ष दल नेकपा एमालेले केन्द्रीय कमिटीको विवरण अध्यावधिक गर्न निर्वाचन आयोगमा निवेदन दिएको छ । एमालेले केन्द्रीय कमिटीको संख्या र नाम अद्यावधिक गर्न निर्वाचन आयोगमा २६० सदस्यीय सूची आयोगमा पठाएको हो ।
राजनीतिक दल सम्बन्धी ऐन २०७३ अनुसार २६० जनाको विवरण अध्यावधिक गर्नका निवेदन दिएको हो । जसमा माओवादी केन्द्रबाट एमालेमा आएका नेताहरु रामबहादुर थापा बादल, टोपबहादुर रायमाझी, लेखराज भट्टसहितका नेताहरु नाम समेत थपिएको छ ।
एमाले निर्वाचन विभागका प्रमुख अग्नि खरेल र बाबुराम दाहालसहितको टोली आज दिउँसो गएर केन्द्रीय कमिटीको विवरण अद्यावधिक गर्न लिखित आग्रह गरेको हो ।
