काठमाडौँ । नेपाली कांग्रेसका निलम्बित सांसद एवं पूर्वमन्त्री मोहम्मत अफ्ताव आलमको मुद्दा सर्वाेच्च अदालतले हेर्न नमिल्नेमा राखेको छ ।
न्यायाधीश प्रकाशमानसिंह राउत र कुमार रेग्मीको संयुक्त इजलासमा सुनुवाइ हुने भनिएको आलमको मुद्दा सर्वाेच्चले हेर्न नमिल्नेमा राखेको हो ।
२०६४ साल चैत २७ गते रौतहटमा विस्फोटक पदार्थ बम प्रयोग गरी ज्यान मारेको अभियोगमा आलमबिरुद्ध मुद्दा चलिरहेको छ । व्यक्ति हत्या गरेको आरोप लागेर आलम थुनामा छन् ।
उनलाई थुन्नुपर्ने भनी जिल्ला अदालत रौटहटले दिएको आदेश उच्च अदालतले पनि सदर गरेपछि सो आदेश विरुद्ध आलम सर्वोच्च पुगेका थिए ।
