काठमाडौं । नेकपा एमालेका अध्यक्ष समेत रहेका प्रधानमन्त्री केपी शर्मा ओलीले जनताको जनादेशले नभएर सर्वोच्च अदालतको परमादेशले आफू प्रधानमन्त्रीवाट विदा लिनु परेको बताएका छन् ।
आज प्रधानमन्त्री ओलीले देशवासीका नाममा विशेष सम्बोधन गर्दै जनताको जनादेश आफ्नो पक्षमा भएको तर सर्वोच्च अदालतको परमादेश नेपाली काँग्रेसका सभापति शेरबहादुर देउवाको पक्षमा भएको टिप्पणी समेत गरेका छन् ।
सर्वाेच्च अदालतले हिजो प्रतिनिधिसभा विघटनलाई बदर गर्दै प्रतिनिधिसभा पुनस्थापना गर्ने फैसला गरेको थियो । साथै सर्वाेच्चले नेपाली काँग्रेसका संसदीय दलका नेता शेरबहादुर देउवालाई प्रधानमन्त्री बनाउन परमादेश आदेश पनि जारी गरेकाे थियो ।
प्रतिनिधिसभा विघटन मुद्दा बदर गर्दै सर्वाेच्चले काँग्रेसका देउवालाई २ दिनभित्र प्रधानमन्त्री बनाउन राष्ट्रपति कार्यालयको नाममा परमादेश जारी गरेकाे थियो । साथै सर्वाेच्चले संविधानको धारा ७६ को उपधारा ५ बमोजिमको सरकार गठन गर्दा सांसदहरूमाथि दलको ह्वीप नलाग्ने फैसला सुनाएको थियो ।
