११ फागुन, सिन्धुली । नेपाली काँग्रेसको संसदीय दलको विधान परिमार्जन भएपछि मात्र नेतृत्व चयन हुने केन्द्रीय सदस्य प्रकाशमान सिंहले बताएका छन् । नेपाल प्रेस युनियन सिन्धुलीले काँग्रेस पार्टी कार्यालयमा आज गरेको पत्रकार सम्मेलनमा उनले भने, ‘भोलि हुने संसदीय दलको बैठकवाट विधान परिमार्जन गर्ने र त्यसपछि मात्र संसदीय दलको नेतृत्व चयन हुन्छ ।’
केन्द्रीय सदस्य सिंहले अहिलेसम्म संसदीय दलको नेतामा कसैले दाबी नगरेको अवस्थामा आफू संसदीय दलको नेता हुन योग्य भएको बताउँदै “पार्टी सभापति शेरबहादुर देउवाले संसदीय दलको बैठक नियमित गर्न नसकेका कारण अब संसदीय दलको नेतामा उनी हुन सक्दैनन् ,” भने ।
पार्टी सभापति देउवाले संसदीय दलको नेतामा दाबी गरेमा आफू प्रतिस्पर्धामा उत्रिएर संसदीय दलको नेता हुने दाबी गर्दै उनले भने — परम्परागत रुपमा नै संसदीय दलको नेता बनाए यो सिङ्गो पार्टीको हितमा हुदैन ।”
पत्रकारद्वारा सोधिएको एक प्रश्नको जवाफ उनले काँग्रेस महामन्त्री कोइरालाले सर्वसहमतिवाट भए मात्र संसदीय दलको नेता बन्न इच्छा व्यक्त गरेको अवस्थामा सर्वसहमति हुन नसक्ने देखिएको बताएका छन् । नेता सिंहले सर्वसहमतिको वातावरण आएमा आफू त्यसमा सहमत हुने र सर्वसहमत नभएमा संसदीय दलको नेता परिवर्तन गर्नु पर्ने धारणा व्यक्त गरेका थिए ।
