काठमाडौं, १६ असार । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीको राजीनामा मागेका छन् । प्रधानमन्त्रीको सरकारी निवास बालुवाटारमा जारी स्थायी कमिटीको बैठकमा अध्यक्ष दाहालले प्रधानमन्त्री ओलीले आफूलाई भारतले हटाउन लागेको भनेर दिएको अभिव्यक्तिको जवाफ मागेका थिए ।
बैठकमा बरिष्ठ नेता झलनाथ खनाल र उपाध्यक्ष वामदेव गौतमले पनि प्रधानमन्त्रीले भारतले आफूलाई प्रधानमन्त्रीबाट हटाउन लागेको भनेर दिएको अभिव्यक्तिमा जवाफ मागेका थिए । स्थायी कमिटीको पाँचौं बैठक गत बुधबारदेखि जारी छ ।
