काठमाडौँ। राष्ट्रपति रामचन्द्र पौडेलले बडादसैँ २०८१ का अवसरमा आज काठमाडौँ उपत्यकाका विभिन्न शक्तिपीठको दर्शन एवं पूजाअर्चना गरेका छन् । राष्ट्रपति पौडेलसँगै प्रथम महिला सविता पौडेलले पनि उपत्यकाका विभिन्न शक्तिपीठको दर्शन गरेकी छिन् ।
राष्ट्रपति पौडेलले आज शुक्रवार काठमाडौँको नक्साल भगवती, शोभा भगवती, भद्रकाली, मैतीदेवी, कालिकास्थान, संकटा, नरदेवी पुगेर पूजा आराधना र दर्शन गर्नुका साथै टीका र प्रसाद ग्रहण गरेका हुन्
दसैँका अवसरमा हरेक वर्ष राष्ट्र प्रमुखको हैसियतमा उपत्यकाका विभिन्न शक्तिपीठको दर्शन गर्ने परम्परा रही आएको छ । वडा दसैँको आठौँ दिन आज मुलुकभर माता दुर्गा भवानीको पूजा आराधना गरी मनाइएको छ । बडादसैँका सन्दर्भमा आज काठमाडौँ उपत्यका लगायत देशभरका शक्तिपीठमा पूजाअर्चना गर्न भक्तजनको घुइँचो लागेको छ ।
राष्ट्रपति पौडेलद्वारा काठमाडौँको भद्रकाली मन्दिरमा पूजाअर्चना गर्दै
राष्ट्रपति पौडेलद्वारा काठमाडौँको गुहेश्वरी मन्दिरमा पूजाअर्चना गर्दै
राष्ट्रपति पौडेलद्वारा काठमाडौँको मैतिदेवी मन्दिरमा पूजाअर्चना गर्दै
राष्ट्रपति पौडेलद्वारा काठमाडौँको नक्साल भगवती मन्दिरमा पूजाअर्चना गर्दै
