छठ पूजाका लागि नयाँ बेहुलीझैँ सिङ्गारियो गौरीघाट (फोटो फिचर) Nepalpatra छठ पूजाका लागि नयाँ बेहुलीझैँ सिङ्गारियो गौरीघाट (फोटो फिचर)
१२ मंसिर २०७९, सोमबार

छठ पूजाका लागि नयाँ बेहुलीझैँ सिङ्गारियो गौरीघाट (फोटो फिचर)


छठ पूजा गौरीघाट

काठमाडौँ । काठमाडौँको गौरीघाट छठ पूजाका लागि नयाँ बेहुलीझैँ सिङ्गारिएको छ । आज साँझका अस्ताउँदो सूर्यलाई र भोलि सोमबार बिहान उदाउँदो सूर्यलाई अघ्र्य दिएर मनाइने चाड छठ पर्वका लागि गौरीघाट सिङ्गारिएको हो ।

नदी र सूर्यदेवको श्रद्धा भक्तिपूर्वक आराधना र पूजा गरी मनाइने छठ पर्वका लागि काठमाडौँको गौरीघाट छठ पूजाको तयारी गरिएको हो । कार्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजाको यो पर्व शुक्रबारदेखि सुरु भएको हो ।

कार्तिक शुक्ल पक्षमा विधिपूर्वक सूर्यको पूजा आराधना गरी अघ्र्य दिएमा चर्म अर्थात् छालारोग लाग्दैन भन्ने धार्मिक विश्वास छ । विसं २०४६ अघि तराईको सीमित क्षेत्रमा मनाइने छठले अहिले राष्ट्रिय स्वरुप ग्रहण गरेको छ ।

विसं २०४६ देखि नै सरकारले यो पर्वका अवसरमा राज्यभर सार्वजनिक बिदा दिने गरेकामा विगतका केही वर्ष यो बिदा काटिएकामा गत वर्षदेखि फेरि सरकारले बिदा दिन सुरु गरेको छ ।

छठपर्वका लागि राजधानीको गुह्येश्वरीबाट गौरीघाट क्षेत्र, गहनापोखरी, नागरपोखरी, कमलपोखरीलगायत वाग्मती, नख्खु र विष्णुमतीलगायत नदी किनारमा सजावट गरिएको छ । राजधानीमा गुह्येश्वरीबाट गौरीघाटको वागमती किनारमा छठघाट निर्माण गरिएको हो ।

छठ पूजा गौरीघाटछठ पूजा गौरीघाटछठ पूजा गौरीघाटछठ पूजा गौरीघाटछठ पूजा गौरीघाट


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !