![oli and Bangaladeshi_Minister](https://i0.wp.com/nepalpatra.com/wp-content/uploads/2018/03/PM_KP_OLI_Meet_with_Bangaladeshi_Minister.jpg?fit=788%2C473&ssl=1)
३० फागुन, काठमाण्डौ । बंगलादेशका नागरिक उडड्यन तथा पर्यटन मन्त्री एकेएम शाहाजहाँ कमाल र प्रधानमन्त्री केपी शर्मा ओलीबीच भेटवार्ता भएको छ । बंगलादेशका मन्त्री कमाल विमान दुर्घटनापछि घटनाको विवरण बुझ्न नेपाल आएका हुन् ।
प्रधानमन्त्री ओलीले विमान दुर्घटनाबाट निधन भएकाहरुको शोकमा परेका बंगलादेशका प्रधानमन्त्री, सरकार र जनतालाई समवेदनासहित सहानुभुति प्रकट गरे । उनले घटनाको छानविनका लागि सरकारले जाँचबुझ आयोग गठन गरेको जानकारी गराउँदै आयोगको प्रतिवेदन आएपछि सत्यतथ्य बाहिर आउने बताए ।
बंगलादेशका मन्त्री कमालले नेपाल सरकारले विमान दुर्घटनापछि घाइतेको उद्दार र उपचारमा देखाएको सक्रियताको प्रशंसा गरे । नेपालको यो सदासयताका लागि बंगालादेशका प्रधानमन्त्री शेख हसिना वाजेदले प्रधानमन्त्री ओलीलाई कृतज्ञतासहित धन्यवाद ज्ञापन गरेको मन्त्री कमालले जानकारी गराए ।