काठमाडौँ । नेपाली कांग्रेसले वामपन्थी नेता विष्णुबहादुर मानन्धरको निधनप्रति दुःख व्यक्त गरेको छ । कांग्रेस संसदीय दलका प्रमुख सचेतक बालकृष्ण खाँणले आज एक शोक विज्ञप्ति जारी गरी सोमबार राति पाटन अस्पतालमा उपचारका क्रममा निधन भएका मानन्धरको निधनप्रति गहिरो दुःख व्यक्त गर्नुभएको हो ।
“रौतहट, बारा र पर्सा जिल्लामा किसान नेताको रुपमा परिचित स्व मानन्धर सरल र शान्त स्वभावका आदर्श व्यक्तित्वको रुपमा स्थापित हुनुहुन्थ्यो,” खाणद्वारा जारी विज्ञप्तिमा भनिएको छ । कांग्रेस संसदीय दलले शोकसन्तप्त परिवार तथा आफन्तजनप्रति हार्दिक समवेदना प्रकट गरेको छ ।
