११ चैत, पाँचथर । मिनी ट्रक दुर्घटना हुँदा काठमाडौंका ४६ वर्षीय उमेशसिं महासेठको मृत्यु भएको छ ।
बिजुलीको पोल बोकेको बा२ख ६६८३ नम्बरको मिनी ट्रक आइतबार बिहान पाँचथरको हिलिहाङ गाउँपालिकाको-७ भारपाको सिमखर्कमा दुर्घटना भएको जिल्ला प्रहरी कार्यालय पाँचथरका प्रहरी निरीक्षक तथा सूचना अधिकारी विज्ञान बस्नेतले जानकारी दिए ।
मिनी ट्रक चालक महोत्तरीको बर्दिबासका २४ वर्षीय शम्भु महरा घाइते भएका छन् । घाइतेको सदरमुकाम फिदिमस्थित जिल्ला अस्पताल पाँचथरमा उपचार भइरहेको प्रहरीले जनाएको छ ।
