एजेन्सी, वैशाख १८ । रियल मड्रिडका प्रशिक्षक जिनेदिन जिदानले च्याम्पियन्स लिगको उपाधि जित्नु र नजित्नुले क्लबमा आफ्नो बसाईलाई फरक नपार्ने बताएका छन् ।
च्याम्पियन्स लिगको सेमिफाइनलको दोश्रो लेगमा बार्यन म्युनिखसँग दोश्रो लेगको खेलको पुर्वसन्ध्यामा जिदानले रियलको प्रशिक्षकको जिम्मेवारीलाई निरन्तरता दिन वा नदिन आफू स्वतन्त्र रहेको र च्याम्पियन्स लिग जित्नु वा नजित्नुले त्यसमा कुनै फरक नपार्ने बताएका हुन् ।
‘म अहिले क्लबको (रियल मड्रिडको) प्रशिक्षक हुँ, जिदानले भने, र म यो पदमा निरन्तरता चाहन्छु ।’ मंगलबार मध्यराती हुने बार्यन म्युनिखसंगको खेलका बारेमा कसले के सोचिरहेको छ भन्ने कुराले कुनै अर्थ नराख्ने जिदानको भनाई छ ।
