एजेन्सी । गत अगस्टमा तालिबानहरूले काबुलको सत्ता कब्जा गरेपछि पहिलो पटक चिनियाँ विदेश मन्त्री वाङ यी अफगानिस्तानको राजधानी काबुल पुगेका छन् ।
बिहीबार विदेश मन्त्री वाङ पाकिस्तानको इस्लामावादबाट चार्टर्ड जहाजमा काबुल पुगेको तालिबानले पुष्टि गरेको टोलो न्युजले उल्लेख गरेको छ । गत सोमबार पाकिस्तान पुगेका वाङ आजै भारतको राजधानी नयाँदिल्ली आइपुग्ने बताइएको छ । भारतको भ्रमण सकेर चिनियाँ विदेश मन्त्री शुक्रबार साँझ नयाँदिल्लीबाट काठमाडौं आइपुग्नेछन् ।
