एजेन्सी, २४ चैत । ब्राजिलका पूर्वराष्ट्रपति लुइज इनासियो लुला दा सिल्भाले प्रहरीसमक्ष आत्मसमर्पण गर्न अस्वीकार गरेका छन् ।
भ्रष्टाचारको मुद्दामा दोषी ठहर गर्दै अदालतले १२ वर्ष कैद सजाय सुनाए पनि ७२ वर्षका उनले दक्षिणी ब्रजिलमा रहेको प्रहरी मुख्यालयमा आत्मसमर्पण गर्न अस्वीकार गरेका बीबीसीले जनाएको छ । लुलाले आफूविरुद्धको ठहर राजनीतिक रूपमा प्रेरित रहेको भन्दै आत्मसमर्पण नगर्ने बताएका हुन् ।
आउँदो अक्टोबरमा हुने राष्ट्रपतीय चुनावमा उठ्न नदिने प्रपञ्ज अनुसार आफूलाई अदालतले दोषी ठहर गरेको उनले दावी गरेका छन् । चुनावमा लुलाले जित्ने सम्भावना रहेको मत सर्वेक्षणले देखाएका थिए । उनका वकिलले यसबारेमा प्रहरीसँग वार्ता गरिरहेका खबरमा उल्लेख छ ।
