एजेन्सी, १९ चैत । आईपीएल टिम राजस्थान रोयल्सले दक्षिण अफ्रिकाका विकेटकिपर ब्याट्सम्यान हेनरिक क्लासेनलाई अनुबन्ध गरेको छ ।
कप्तान स्टिभ स्मिथ बल टेम्परिङ प्रकरणका कारण एक वर्षे प्रतिबन्धमा परेपछि स्मिथको स्थानमा राजस्थानले क्लासेनलाई भित्राएको हो । उनलाई राजस्थानले ५० लाख भारुमा अनुबन्ध गरेको राजस्थानले जनाएको छ ।
२६ वर्षे क्लासेनले गएको फेब्रुअरीमा भारतविरुद्ध अन्तर्राष्ट्रिय डेब्यू गरेका थिए । ट्वान्टी ट्वान्टीमा ४४ इनिङ खेलेका क्लासेनले १४६ को स्ट्राइक रेटमा स्कोर गरेका छन् ।
