९ साउन, हेटौँडा । त्रिभुवन राजपथको हेटौँडा–भैंँसे सडकखण्डको बाघझोराकोे पहिरो हटाइ यातायात सेवा आज बिहान ९ बजेबाट सञ्चालनमा ल्याइएको छ ।
यसैगरी भैँसे सडक खण्डको बाघझोराबाट हेटौँडा कुलेखानी सडकको यातायात पनि सञ्चालन गरिएको मकवानपुर जिल्ला प्रहरी कार्यालयले जनाएको छ ।
गएराति आएको वर्षाको बाढीले बाघझोरा सडकमा खसेको ठूला ढुंगासहितको पहिरोले हेटौँंडा काठमाडौँंतर्फको यातायात सेवा झण्डै पाँचघण्टा अवरुद्ध हुन पुगेको थियो ।
हेटौँडाबाट काठमाडौँतर्फ जाने विभिन्न सवारी साधन र दामान पालुङबाट आएका सवारी साधन बाघझोरामै रोकिएको यातायात व्यवसायी सरोज खनालले जानकारी दिनुभयोे ।
यसैगरी पालुङबाट जिल्लाको पश्चिमतर्फ जाने आग्रा र गोगनेतर्फ जाने यातायात सेवा पनि आज बिहानैबाट सञ्चालनमा ल्याइएको पालुङ इलाका प्रहरी कार्यालयले जनाएको छ ।
गोगने र आग्रामा ठाउँ÷ठाउँमा पहिरो गई गएराितबाटै सडक अवरुद्ध भएको थियो । (रासस)
