काठमाडौं । ‘म्यान अफ द वर्ल्ड-२०२५’ प्रतियोगिताको उत्कृष्ट १० भित्र पर्न सफल भएकोमा नेपाल पूर्व सशस्त्र प्रहरी संघले हिजो मंगलबार आयुष दुलाललाई बधाई दिएको छ ।
नेपाल पूर्व सशस्त्र प्रहरी संघका अध्यक्ष एवं अवकाशप्राप्त सशस्त्र प्रहरी अतिरिक्त महानिरीक्षक नारायण बाबु थापाले दुलाललाई दोसल्ला ओढाएर सम्मान गर्नुका बधाई दिएका हुन् ।
‘म्यान अफ द वर्ल्ड नेपाल २०२४’ विजेता दुलाल फिलिपिन्समा गत मे २३ देखि ३१ सम्म आयोजना भएको ‘म्यान अफ द वर्ल्ड-२०२५’ प्रतियोगितामा कुल २७ देशहरूले भाग लिएकोमा उनी उत्कृष्ट १० भित्र पर्न सफल भएका थिए ।
नेपाल पूर्व सशस्त्र प्रहरी संघका सन्ततीले अन्तर्राष्ट्रिय स्तरको प्रतियोगितामा सहभागी भई उत्कृष्ट १० भित्र पर्न सफल भएकोमा खुशी व्यक्त गरेका थिए । दुलालले मिस्टर नेपाल-२०२४ प्रतियोगितामा सहभागी भई ‘म्यान अफ द वर्ल्ड नेपाल-२०२५ एण्ड बेस्ट पर्सनालिटी प्राप्त गरेका थिए ।
