![न्युरोड क्षेत्रको फुटपाथ विस्तार](https://i0.wp.com/nepalpatra.com/wp-content/uploads/2024/07/Kathmandu-Metro-New-Road-Bistar.jpg?fit=1200%2C709&ssl=1)
काठमाडौं । न्युरोड क्षेत्रको फुटपाथ मंसिर २ गतेसम्म विस्तार नगर्ने सहमति भएको छ । काठमाडौँ महानगरपालिका र स्थानीयवीच न्यूरोड क्षेत्रमा मंसिर २ गतेसम्म फुटपाथ बिस्तार तथा निर्माणसम्बन्धी कुनै काम नगर्ने आज सहमति भएको हो ।
सहमति अनुसार समिति गठन गर्ने र उक्त समितिले दिएको सुझावका आधारमा अगाडि बढ्ने निर्णय भएको हो । विवाद बढेपछि काठमाडौं महानगरपालिकाको फुटपाथ विस्तार तत्काललाई रोकिएको हो ।
काठमाडौं–२२ र २३ क्षेत्रका सम्पदाका विषयमा अध्ययन गरिने र त्यसको प्रतिवेदन नआउन्जेल फुटपाथ विस्तार नगर्ने सहमति भएको हो । आउँदो मंसिर १ गतेसम्म कार्यदलले अध्ययन गर्ने र २ गते प्रतिवेदन पेस गर्ने सहमति भएको हो ।
सुमनराज भण्डारीको संयोजकत्वमा गठित कार्यदलमा २२, २३ र २४ नम्बर वडाका अध्यक्ष र २२ बाट विज्ञका साथै महानगर निर्माण विभागका प्रमुख सुरज शाक्य सदस्य सचिव रहेका छन् ।