नवलपरासी । राष्ट्रिय स्वास्थ्यकर्मी महासंघले खेलकुद सामाग्री वितरण गरेको छ । हिजो जेठ २७ गते आइतबारका दिन सुरेश कुमार थापाको अध्यक्षतामा राष्ट्रिय स्वास्थ्यकर्मी महासंघको १९ औं स्थापना दिवसको अवसरमा अरबिन्द योग मन्दिरमा सरसफाई एवं खेलकुद सामाग्री वितरण गरिएको हो ।
सो कार्यक्रममा प्रमुख अतिथि केन्द्रीय सदस्य एवं अतिरिक्त विभाग प्रमुख जागेश्वर भुषालको पनि उपस्थिति थियो । अन्य पदाधिकारीहरु जिल्ला इन्चार्ज पारेस्वर भुर्तेल, मध्यविन्दु-२ का वडा अध्यक्ष रामभक्त अधिकारी लगायतको पनि उपस्थिति थियो ।
बक्ताहरुमा जागेश्वर भुषाल र पारेश्वर भुर्तेल लगायत रामभक्त अधिकारीले कार्यक्रमको विषयमा प्रकाश पारेका थिए । आगामी दिनहरूमा यस्ता कार्यक्रमहरु निरन्तर हुनुपर्ने विषयमा विषेश जोड दिएका थिए ।
