काठमाडौँ । राजश्व अनुसन्धान विभागले करिब एक क्विन्टल सुन भित्र्याउने रेडी ट्रेडर्सको सोह्रखुट्टे गोदाममा छापा मारेर ६६ काटन ‘ब्रेक शु’ बरामद गरेको छ ।
आज बुधबार राजस्व अनुसन्धान विभाग, सशस्त्र प्रहरी र नेपाल प्रहरीको टोलीले काठमाडौं महानगरपालिका-१६ स्थित सोह्रखुट्टेको रेडी ट्रेडर्सको सोह्रखुट्टे गोदाममा छापा मारेको हो ।
उक्त गोदाममा छापा मार्दा भेटिएको उक्त सामान राजस्व अनुसन्धान विभागले लगेको छ । ती सामान पनि यसअघि विमानस्थलबाट जफत गरिएजस्तै शंकास्पद रहेको राजस्व स्रोतले जानकारी दिएको छ । ती वस्तुमा सुन छ कि छैन भन्ने यकिन भइसकेको छैन ।
