काठमाडौँ । काठमाडौंको बालुवाटारस्थित ललिता निवासको सरकारी जग्गा हिनामिना प्रकरणमा थप दुई जना पक्राउ परेका छन् । ललिता निवास जग्गा हिनामिना प्रकरणमा प्रहरीले थप दुई जनालाई ललितपुरको कुपण्डोलबाट पक्राउ गरेको हो ।
नक्कली मोही बनेर सरकारी जग्गा हडपेको आरोपमा नेपाल प्रहरीको केन्द्रीय अनुसन्धान ब्युरो(सीआईबी) ले आज सञ्जयकुमार महर्जन र सकुलानन्द महर्जनलाई पक्राउ गरेको हो ।
उनीहरुलाई नक्कली मोही बनाएर रामकुमार सुवेदी, मीनबहादुर गुरुङ र शोभाकान्त ढकाल लगायतले सरकारी जग्गा हडपेको प्रहरी अनुसन्धानले देखाएको छ । योसहित ललिता प्रकरणमा पक्राउ पर्नेको संख्या २२ जना पुगेको छ ।
