काठमाडौं । बैतडीमा पहिरोमा पुरिएर आमाछोराको मृत्यु भएको छ । बैतडीको पुर्चौडी नगरपालिका–२, भैरुमा पहिरो खस्दा पुरिएर आमाछोराको मृत्यु भएको हो ।
पहिरोमा पुरिएर स्थानीय २५ वर्षीया अन्जु जागरी र उनका चार वर्षीय छोरा रिजनको मृत्यु भएको जिल्ला प्रहरी कार्यालय बैतडी स्रोतले जनाएको छ । अञ्जुका श्रीमान् गोब्बर जागरी घाइते भएको प्रहरीले बताएको छ ।
स्थानीय र प्रहरीको सहयोगमा गोब्बरलाई घाइते अवस्थामा उद्धार गरिएको थियो । प्रहरीका अनुसार आज बिहान करिब २ बजेतिर घरमाथिबाट पहिरो खस्दा उनीहरू पुरिएका थिए । हातखुट्टामा चोट लागेका जागरीलाई उपचारका लागि बैतडीको सीमामा पर्ने दार्चुलास्थित गोकुलेश्वर अस्पतालमा पठाइएको छ ।
