काठमाडौँ । काठमाडौँ महानगरपालिकाले आगामी कात्तिक १ गतेसम्म टुकुचामाथि रहेका संरचना भत्काउन डोजर चलाउन नपाउने भएको छ ।
काठमाडौं महानगरले टुकुचामाथिका संरचना भत्काउने निर्णयविरूद्ध परेका रिटमाथिको सुनुवाई भूमि व्यवस्था, सहकारी तथा गरिबी निवारण मन्त्रालयबाट एउटा प्रतिवेदनको प्रमाणित प्रतिलिपि प्राप्त नभएको भन्दै कात्तिक १ गतेसम्मको लागि सरेको हो ।
टुकुचाको भूमिगत सुरूङमाथि बनेका घरहरू भत्काएको भन्दै उच्च अदालतमा परेको रिट न्यायाधीश टेकप्रसाद ढुंगाना र विमल सुवेदीको इजलासमा परेको थियो ।
यसअघि उच्च अदालत पाटनले टुकुचा खोला मिचेर खोला भूमिगत बनाइएका ठाउँमाथि बनेका संरचना नभत्काउन अल्पकालीन अन्तरिम आदेश दिएको थियो ।
