११ वैशाख, काठमाण्डौ । मंगलबार बसेको काँग्रेसको केन्द्रीय समिति बैठकमा पार्टीका ६ युवा नेताहरुले पहिलेदेखि उठाउँदै आएको शीघ्र महाधिवेशनको माग राखेका छन् ।
नेता गगन थापाले ५१ पन्ने लिखित माग बैठकमा प्रस्तुत गर्दै महासमिति र शीघ्र महाधिवेशनको माग गरेका हुन् । युवाहरु नेताहरुले संगठन चलाउन प्रष्ट सैद्धान्तिक खाका भएपनि त्यसको कायान्वयन गर्ने नेतृत्व शिथिल र यथास्थितिवादी भएकाले संगठनले गति लिन नसकेको उल्लेख गरेका छन् ।
वर्तमान सभापति शेरबहदुर देउवाको नेतृत्वलाई निरन्तरता दिनु जनादेश र मतादेश विपरित हुने भन्दै नेतृत्व परिवर्तनमा उनीहरुले जोड दिएका छन् ।
युवाहरुको सुझावमामार्फत पार्टी सभापति शेरबहादुर देउवालाई महासमिति र शीघ्र महाधिवेशन गराएर सहजतापूर्वक नेतृत्व हस्तान्तरण गर्न आग्रह पनि गरिएको छ ।
नेतृत्व परिवर्तन भए आगामी ५ बर्ष पछि हुने निर्वाचनमा अहिलेको निर्वाचनमा आएको मतभन्दा १५ लाख मत बढि ल्याएर काँग्रेस एक्लैले बहुमतको सरकार बनाउन सक्ने युवाहरुको दाबी छ ।
