एजेन्सी, ११ वैशाख । हत्या गरेर फरार रहेका २९ वर्षीय ट्राभिस रिनकिङलाई प्रहरीले पक्राउ गरेको छ ।
अमेरिकाको टेनेसी राज्यस्थित नैसविले शहरको एक रेस्टुरेन्टमा गोली हानी चार जनाको हत्या गरेका रिनकिङलाई अमेरिकाको न्यासभिल सहरवाट पक्राउ गरिएको प्रहरीले जनाएको छ ।
अमेरिकाको टेनेसीमा उनले नग्न अवस्थामा रेस्टुरेन्टमा प्रवेश गरी अन्धाधुन्ध गोली प्रहार गरेर चार जनाको हत्या गरेका थिए । सहरको बाहिरी क्षेत्रमा रहेको वैफ्ले हाउसमा प्रवेश गरेका ती व्यक्तिले सेमि अटोमेटिक राइफलवाट गोली प्रहार गरेका थिए ।
