हेटौडा । मकवानपुर जिल्लाको मनहरी गाउँपालिका-६ कुलचोकमा आज शुक्रबार बिहान ८ः३० बजे बस दुर्घटना हुँदा २ जनाको घटनास्थलमै मृत्यु हुनेहरुको सनाखत खुलेको छ भने घाइते हुनेको संख्या १५ पुगेको छ ।
जिल्ला प्रहरी कार्यालय मकवानपुर स्रोतका अनुसार बा ४ ख ४४५४ नम्बरको यात्रुबाहक बस दुर्घटनामा परी मृत्यु हुनेमा बसका सहचालक नुवाकोट तारकेश्वर नगरपालिका-४ का २२ वर्षीय सुवास श्रेष्ठ र उक्त बसमा सवार सोही ठाउँका २९ वर्षीय शम्भु दराई मगर रहेको जिल्ला प्रहरी कार्यलयका प्रवक्ता प्रहरी नायब उपरीक्षक जयश्वर रिमालले जानकारी दिए ।
दुर्घटनाको कारण पनि खुल्न नसकेको प्रहरीको भनाइ छ । घाइते भएकाहरूलाई चितवन अस्पताल पठाइएको र मृतकको शव परीक्षणका लागि हेटौँडा अस्पताल ल्याइएको छ ।
