बुटवल । बुटवल ११ बुद्धनगरका बीरबहादुर विकको शव अन्त्येष्टिका लागि मलामी बोकेको बस दुर्घटना हुँदा छोरा लालबहादुर विकसहित ७ जनाको मृत्यु भएको छ।
प्रहरीका अनुसार बुबा बीरबहादुर विकको अन्त्येष्टिका लागि ३६ जना मलामी बोकेको लु २ ख ७२७९ नम्बरको बस तानसेन–रिडी सडक मा आइतबार बिहान ११ बजेतिर दुर्घटना हुँदा छोरासहित ७ जनाको मृत्यु भएको हो ।
मृत्यु भएका ७ जनामध्ये तीनजनाको सनाखत भएको छ । दुर्घटनामा परी मृत्यु भएकामध्ये बुटवल बुद्धनगरका लालबहादुरसहित पशुपति रसाइली र विजय थापा क्षेत्रीको खनाखत भएको स्रोतले बतायो ।
