काठमाडौँ । नुवाकोटमा यात्रुबाहक बस दुर्घटना भएको छ । आज सोमबार नुवाकोटको भाल्चेबाट काठमाडौं आउँदै गरेको बा ४ ख ५७६२ नम्बरको बस किस्पाङ-५ मानेगाउँमा दुर्घटना हुँदा २० जनाभन्दा बढी यात्री घाइते भएका हुन ।
जिल्ला ट्राफिक प्रहरी कार्यालय नुवाकोट स्रोतका अनुसार दुर्घटना लगत्तै घाइतेहरुको उद्धार गरी उपचारका लागि स्थानीय त्रिशूली अस्पतालमा पठाउने क्रम जारी रहेको छ । बस अनियन्त्रित भई सडकवाट नालीमा खसेर पहाडको भित्तामा ठोक्किएको छ ।
घाइतेहरुको अवस्था सामान्य रहेको प्रहरीले जनाएको छ । केही यात्रुहरु बसको छतमा रहेको र छतबाट समेत खसेको प्रहरीले जनाएको छ । दुर्घटनाको विस्तृत विवरण आउन बाँकी छ ।
