एक नयाँ अध्ययनले देखाएको छ, द्विभाषी वातावरणमा हुर्किएका बच्चाहरुमा निर्णय क्षमता र कुनै पनि समस्या हल गर्ने सीपको विकाश उनीहरु बोल्ने क्षमता अगाडी नै विकाश हुन्छ ।
वाशिंटन विश्वविद्यालयको एक अध्ययनमा सोह्र जना बच्चालाई समावेश गरिएको थियो । आधा संख्यामा अंग्रेजी बोल्ने परिवारका बच्चा थिए र आधा अंग्रेजी-स्पेनिश बोल्ने परिवारका बच्चा थिए । उनीहरुलाई विभिन्न साधारण देखि विशेष अंग्रेजी-स्पेनिश ध्वनि सुनाइएको थियो। सोधकर्ताहरुले उनीहरुको ध्वनिको प्रतिक्रिया अनुगमन गरेका थिए । म्याग्नेटोइन्सेफ्यालोग्राफी (एम.ई.जी.) मार्फत बच्चाहरुको दिमागका कुन भागहरु उक्त विद्युत -चुम्बकीय क्रियाले सक्रिय भएका थिए भनेर सोधकर्ताहरुले राम्ररी अध्ययन गरेका थिए ।
प्रिफ्रोंटल कर्टेक्स र अर्बिटोफ्रन्टल कर्टेक्स दिमागका यस्ता भाग हुन् ,जुन सबैमा निर्णय क्षमता र कुनै पनि समस्या हल गर्ने कार्यमा सक्रिय हुन्छन् । अध्ययनमा समावेश गरिएका बच्चाहरुका दिमागका यी भागहरु अधिक सक्रिय भएको पाइएको थियो ।”जुन बच्चाहरु दुई भाषाका बोलीचालीको वातावरणमा हुर्किएका थिए, उनीहरु एक भाषीय वातावारंमा हुर्किएका साथीहरुभन्दा बढी समय नयाँ शब्द र ध्वनि सुन्नका लागि उत्सुक भएको पाइएको छ “,सोधकर्ता प्यट्रिसिया कुहल भन्छिन् ।
अरु अध्ययनले पनि प्रस्ट पारेका छन् कि बच्चामा जस्तै प्रौढ मानिसहरुमा पनि यो नियम लागु हुन्छ, द्विभाषी प्रौढहरुको दिमाग एक भाषी प्रौढहरुको भन्दा चलाख हुन्छ । त्यसकारण जति चाँडो बच्चाहरुलाई बहुभाषामा अभ्यस्त पारिन्छ, उनीहरु दिमागीय कार्य क्षमता त्यति नै राम्रो हुन्छ ।
(‘बिग थिङ्क’बाट साभार गरिएको )
