हामीले प्राकृतिक नियमलाई नमान्दा हुन सक्छ धोका Nepalpatra हामीले प्राकृतिक नियमलाई नमान्दा हुन सक्छ धोका
२१ फाल्गुन २०७७, शुक्रबार

हामीले प्राकृतिक नियमलाई नमान्दा हुन सक्छ धोका


डा. राम बहादुर बोहरा
डा. राम बहादुर बोहरा

हिन्दू धर्ममा प्राकृतिकलाई बढी जोड दिएको पाइन्छ । नमस्कार गर्नु, हात मुख नधोई खाना पानी नखानु, दिसा पिसाब गर्दा जनै कानमा राख्ने, जडिबुटीको प्रयोग बढी गर्ने तन्त्र-मन्त्रमा बढी विश्वास गर्ने जस्ता विषयवस्तुलाई बढी जोड दिएको पाइन्छ ।

बर्तमान अवस्थामा फैलिएको नोबेल कोरोनाले दिएको सन्देश पनि हिन्दू धर्मसंग मेल खान्छ । आज हामीले आफ्नो संस्कृतिलाई त्याग्दै मानव निर्मित खाद्य पदार्थमा बढी जोड दिने गर्नाले नै नयाँ नयाँ रोगको दलदलमा फस्दै गएका छौं ।

जडिबुटी उपचार गर्दा मन्त्रद्वारा सिद्ध गरेर उपचार गर्ने भनेको छ तर यसो नगर्दा जडिबुटीले त्यति काम नगरेको हुन सक्छ । हामीले हिन्दू धर्मका सिद्धान्त नमान्नाले आज दु:ख पिडा भोग्नु परेको छ ।

स्वास्थ्यका लागि हामीले यस्ता नियमको पालना नगर्नाले आज हामीले पिडा भोग्नु परेको देखिन्छ । खाना खादा कुर्सीमा बसेर होइन चाकलमाडी बसेर खाना खाने बानी बसाल्नुपर्छ ।

खाना खाँदा कसैसंग नबोली खाने खाना खाँदा टिभी नहेर्ने भनेको छ । यसो गर्दा हाम्रो खाना राम्रोसँग पचाउन सहज हुने हुन्छ यसले पेट सम्बन्धी अनेकौं रोगबाट हामीलाई बचाउन सक्छ ।

हामीले आफ्नो दैनिक जीवनमा प्रकृतिको सिद्धान्तलाई पालना गर्न सकेको खण्डमा अनेकौं रोगको दलदलबाट आफुलाई बचाउन सक्नेछौं । आज जति पनि रोग हामीले देखेका छौं सवै लापरबाहीको प्रतिफल हो भन्दा खासै फरक छैन ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !