काठमाडौं, असार २९ । केवल अपरेटरहरूले जी न्युजसहित ४ वटा बाहेक अन्य भारतीय न्युज च्यानलहरुको प्रसारण खुलाएका छन् । केवल अपरेटरहरूको आइतबार बसेको बैठकले जी-न्युज, आजतक, इन्डिया टिभी र एबिपी न्यूज च्यानलहरूको प्रसारण बन्द राखेर अरू खोल्ने निर्णय गरेको म्याक्स टिभीका उपाध्यक्ष ध्रुव शर्माले जानकारी दिएका छन् ।
केही च्यानलको प्रसारणलाई लिएर सबै च्यानल बन्द गर्न अनुपयुक्त हुने देखिएकाले यस्तो निर्णय भएको शर्माले जानकारी दिएका छन् । हिजै रातिदेखि अरू भारतीय समाचारका च्यानलको प्रसारण सञ्चालन भएको उनले बताए ।
