काठमाडौँ, असोज २५ । नेपालमा कोरोना भाइरस (कोभिड-१९) संक्रमणबाट थप २२ जनाको मृत्यु भएको पुष्टि भएको छ । योसंगै नेपालमा कोरोना संक्रमणबाट मृत्यु हुनेको संख्या ६३६ पुगेको पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगको क्रममा सो कुराको औपचारिक रुपमा पुष्टि गरेका हुन् । हिजो नेपालमा कोरोना संक्रमणबाट थप १४ जनाको मृत्यु भएको पुष्टि भएको थियो ।
बिगत २४ घण्टामा कोरोना संक्रमणवाट ५ जना महिला र १७ जना पुरुषहरुको मृत्यु भएको मन्त्रालयका प्रवक्ता डा. गौतमले जानकारी दिए । कोरोना संक्रमणवाट मृत्यु हुने ५ जना महिलामा सुनसरीकी १ जना, धनकुटाकी १ जना, काठमाडौँकी १ जना, चितवनकी १ जना र मकवानपुरकी १ जना रहेकी छन् । कोरोना संक्रमणवाट मृत्यु हुने १७ जना पुरुषमा सुनसरीका १ जना, सर्लाहीका १ जना, काठमाडौँकी ४ जना, ललितपुरका १ जना, भक्तपुरका २ जना, नुवाकोटका १ जना, चितवनका ३ जना, सिन्धुपाल्चोकका १ जना र रुपन्देहीका ३ जना रहेका छन् ।
मन्त्रालयका प्रवक्ता डा. गौतमका अनुसार कोरोना संक्रमणवाट उमेरका आधारमा मृत्यु हुने ५ जना महिलामा सुनसरीकी ६२ वर्षीया, धनकुटाकी ६१ वर्षीया, काठमाडौँकी ६६ वर्षीया, चितवनकी ७५ वर्षीय र मकवानपुरकी ८५ वर्षीया १ जना रहेकी छिन् । यस्तै मृत्यु हुने १७ जना पुरुषहरुमा सुनसरीका ६५ वर्षीय, सर्लाहीका ३८ वर्षीय, काठमाडौँका ६०, ७०, ७५ र ८३ वर्षीय, ललितपुरका ४९ वर्षीय, भक्तपुरका ४४ र ५७ वर्षीय, नुवाकोटका ७७ वर्षीय, चितवनका उमेर नखुलेका, ४७ र ९८ वर्षीय, सिन्धुपाल्चोकका ६३ वर्षीय र रुपन्देहीका ६०, ६१ र ८४ वर्षीय रहेका छन् ।
यो पनि पढ्नुहोस्
नेपालमा कोरोना संक्रमणबाट थप १४ जनाको मृत्यु, मृतकको संख्या ६१४ पुग्यो
