काठमाडौँ, असोज ११ । नेपालमा कोरोना भाइरस (कोभिड-१९) संक्रमणबाट थप १० जनाको मृत्यु भएको पुष्टि भएको छ । योसंगै नेपालमा कोरोना संक्रमणबाट मृत्यु हुनेको संख्या ४७७ पुगेको पुष्टि भएको छ ।
कोरोना संक्रमित हुनेहरुको मृत्यु हुने प्रतिशत ०.६५ % रहेको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगको क्रममा सो कुराको औपचारिक रुपमा पुष्टि गरेका हुन् ।
बिगत २४ घण्टामा कोरोना संक्रमणवाट १ जना महिला र ९ जना पुरुषहरुको मृत्यु भएको मन्त्रालयका प्रवक्ता डा. गौतमले जानकारी दिए । कोरोना संक्रमणवाट मृत्यु हुने महिलामा काठमाडौँकी १ जना रहेकी छिन् । कोरोना संक्रमणवाट मृत्यु हुने ९ जना पुरुषमा बाराका १ जना, ललितपुरका २ जना, काठमाडौँका २ जना, रुपन्देहीका १ जना, बर्दियाका २ जना र अछामका १ जना रहेका छन् ।
मन्त्रालयका प्रवक्ता डा. गौतमका अनुसार कोरोना संक्रमणवाट उमेरका आधारमा मृत्यु हुने १ जना महिलामा काठमाडौँकी ५० वर्षीया रहेकी छिन् । यस्तै मृत्यु हुने ९ जना पुरुषहरुमा बाराका २० वर्षीय, ललितपुरका ४२ र ७७ वर्षीय २ जना, काठमाडौँका ६१ र ६२ वर्षीय २ जना, रुपन्देहीका ८२ वर्षीय, बर्दियाका ६३ र ५० वर्षीया २ जना र अछामका ३४ वर्षीय रहेका छन् ।
यो पनि पढ्नुहोस्
नेपालमा कोरोना संक्रमणबाट थप ८ जनाको मृत्यु, मृतकको संख्या ४६७ पुग्यो
