भक्तपुर, भदौ २६ । भक्तपुर जिल्लामा आफ्नै घरमा ३ जनाको शव भेटिएको छ । प्रहरीका अनुसार एकाघरमा श्रीमान, श्रीमती र छोराको शव भेटिएको हो । शुक्रबार साँझ भक्तपुरको मध्यपुर ठिमी नगरपालिका-९ निकोसेराका सुदीप अधिकारी, उनकी श्रीमती सुशीला अधिकारी र छोरा सुशान्तको शव मृत फेला परेका हो ।
साथै एउटा कुकुर पनि मरेको अवस्थामा भेटिएको महानगरीय प्रहरी परिसर, भक्तपुरकी उपरीक्षक तारादेवी थापाले जानकारी दिइन् । भक्तपुरको मध्यपुर थिमी नगरपालिका-९ निकोसेरामा ३ जनाको शव गन्हाएको अवस्थामा भेटिएको उनले पुष्टि गरिन् । उनीहरुको हत्या भएको हुनसक्ने प्रहरीले प्रारम्भिक अनुसन्धानवाट थाहा भएको छ ।
मृतकका भाइ सुनिल अधिकारी घरमा आइपुग्दा घरको दोश्रो तल्लामा कुकुर र सम्झना अधिकारीको शव, तेस्रो तलामा सुशान्त र माथिल्लो तलामा सुदिप अधिकारीको शव फेला परेको प्रहरीले बताएको छ । हत्या केही दिन पहिले भएकाे जस्ताे देखिएको छ । घटना कहिले भएकाे र कसले गरेको भन्ने अनुसन्धान थालिएको छ ।
अहिले घटनास्थलमा प्रहरीको केन्द्रीय अनुसन्धान ब्यूरो (सीआईबी), अपराध महाशाखाको टोली र भक्तपुर प्रहरी पुगेर अनुसन्धान सुरु गरेको छ । यद्यपि घटनाको विषयमा विस्तृत जानकारी आइ नसकेको भक्तपुरका प्रहरी प्रवक्ता डीएसपी दीपक गिरीले जानकारी दिए ।
