काठमाडौँ, भदौ २० । नेपालमा कोरोना भाइरस (कोभिड-१९) संक्रमणबाट थप ९ जनाको मृत्यु भएको पुष्टि भएको छ । योसंगै नेपालमा कोरोना संक्रमणबाट मृत्यु हुनेको संख्या २८० पुगेको पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगको क्रममा सो कुराको औपचारिक रुपमा पुष्टि गरेका हुन् ।
बिगत २४ घण्टामा कोरोना संक्रमणवाट ३ जना महिलाहरु र ६ जना पुरुषहरुको मृत्यु भएको मन्त्रालयका प्रवक्ता डा. गौतमले जानकारी दिए । कोरोना संक्रमणवाट मृत्यु हुने महिलाहरुमा मोरङ, मकवानपुर र नवलपरासीका १/१ जना गरी ३ जना रहेका छन् भने मृत्यु हुने पुरुषहरुमा काठमाडौंका ३ जना, पर्सा, महोत्तरी र रुपन्देहीका १/१ जना गरी ६ जना रहेका छन् ।
मन्त्रालयका प्रवक्ता डा. गौतमका अनुसार कोरोना संक्रमणवाट उमेरका आधारमा मृत्यु हुने ३ जना महिलाहरुमा मोरङकी ४३ वर्षीया, मकवानपुरकी ५२ वर्षीया र नवलपरासीकी ३७ वर्षीया महिला रहेका छन् । यस्तै मृत्यु हुने ६ जना पुरुषहरुमा काठमाडौंका ४१, ५९ र ६५ वर्षीय, पर्साका ७५, महोत्तरीका ७८ र रुपन्देहीका ४० वर्षीय पुरुष रहेका छन् ।
यो पनि पढ्नुहोस्
नेपालमा कोरोना संक्रमणबाट थप १४ जनाको मृत्यु, मृतकको संख्या २७१ पुग्यो
