१८ चैत, भद्रपुर । सशस्त्र प्रहरी बल सीमा सुरक्षा कार्यालय झापाले सूर्ती र पेट्रोलियम पदार्थ बरामद गरेको छ ।
सीमा सुरक्षा कार्यालय झापावाट खटिएको सशस्त्र प्रहरी टोलीले भद्रपुर, ज्यामिरगढी र पाठामारीमा उक्त सामान बरामद गरेको सशस्त्र प्रहरी उपरीक्षक रमेश सुवेदीले जानकारी दिए ।
प्रहरीले कचनकवल गाउँपालिकास्थित पाठामारी नाकाबाट १०० लिटर डिजेल, ६० लिटर पेट्रोल भारततर्फ लैजाँदै गरेको अवस्थामा बरामद गरेको छ ।
त्यस्तै, मेचीनगर नगरपालिकास्थित ज्यामिरगढी नाकाबाट भारतवाट नेपालतर्फ भन्सार छलेर भित्र्याइएको फर्निचरमा प्रयोग हुने रंगका ड्रम बरामद गरेको छ ।
त्यसैगरी भद्रपुर- ४ स्थित डाँगीबारी–आँपगाछी नाकावाट भन्सार छलेर नेपाल भित्र्याइएको तीन बोरा प्याकेजिङ सूर्ती बरामद गरेको सीमा सुरक्षा कार्यालयले जनाएको छ ।
बरामद गरी ७० हजार मूल्य बराबरको सूर्ती तथा पेट्रालियम पदार्थ आवश्यक कारवाहीका लागि मेची भन्सार कार्यालय काँकडभिट्टामा बुझाइसकेको जनाइएको छ । यो थाहा खबरवाट लिएको हो ।
