जाजरकोट । जन्ती बोकेको जीप कच्ची सडकमा दुर्घटना हुँदा रुकुम पश्चिम आठबीसकोट नगरपालिका-७ पोखरामा ५ जनाको मृत्यु भएको छ ।
आठबीसकोट-२ घारीखोलाबाट जन्ती लिएर आठबीसकोट-८ दाँजेतर्फ जाँदै गरेको रा १ ज ५८९ नम्बरको जीप गए राति दुर्घटना हुँदा आठबीसकोटका ६६ वर्षीय सार्के नेपाली, ४८ वर्षीय आइते चदारा, अन्दाजी ५१ वर्षीय गोरे नेपाली, सोही नगरपालिका-७ का ५१ वर्षीय कलिभान नेपाली र सोहि नगरपालिका-८ का ५८ वर्षीय लालबहादुर सार्कीको मृत्यु भएको नगरप्रमुख गोरखबहादुर केसीले जानकारी दिए ।
चालक डिल्लीबहादुर नेपाली शुक्रबार बिहान सम्पर्कमा आएको प्रहरीले जनाएको छ । यो सडकखण्डमा थोत्रा गाडी सञ्चालनमा छन् ।
