१२ जेठ, रौतहट । रौतहट जिल्लामा आज एकैपटक २२ जनामा कोरोना भाइरस (कोभिड-१९) संक्रमण पुष्टि भएको छ । गौर, देवाही गोनाही र राजेदेवी नगरपालिकामा नयाँ सक्रमित भेटिएका हुन् । रौतहटको सदरमुकाम गौरमा पहिलो पटक ७ जनामा संक्रमण देखिएको छ ।
साथै देवाही गोनाही नगरपालिकाका ३ र राजदेवी नगरपालिकाका १ जनामा संक्रमण पुष्टि भएको छ । संक्रमण पुष्टि भएका ११ जनाको ठेगाना प्रष्ट खुलेको छैन । आज संक्रमण पुष्टि भएकामा ३ जना बालबालिकाहरु समेत छन् । संक्रमण पुष्टि भएका सबै जना हाल क्वारेन्टाइनमा रहेका छन् ।
यसअघि हिजो मात्रै रौतहटको राजपुर र इशनाथ नगरपालिकाको क्वारेन्टाइनमा रहेका मध्ये २६ जना संक्रमित भेटिएका थिए । योसँगै रौतहटमा संक्रमित हुनेको संख्या ६९ पुगेको छ । भारतबाट आएका उनीहरु सबैलाई सीधै क्वारेन्टाइनमा लिएर राखिएको थियो ।
हिजो सोमबार मात्रै रौतहटको राजपुर र इशनाथ नगरपालिकाको क्वारेन्टाइनमा रहेकाहरुका मध्ये २६ जना संक्रमित पुष्टि भएका थिए । योसँगै रौतहटमा संक्रमित हुनेको सँख्या ६९ पुगेको छ ।
