काठमाडौँ । नेपालमा पछिल्लो २४ घण्टामा देशभर ११६७ जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
स्वास्थ्य मन्त्रालयका अनुसार पछिल्लो २४ घण्टामा २२४ जनाले कोरोना जितेका छन् भने कोरोना संक्रमणवाट पछिल्लो २४ घण्टामा कोरोना संक्रमणवाट २ जनाको मृत्यु भएको छ ।
पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज ६१५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो ।
आज काठमाडौं जिल्लामा ४९१ जना, ललितपुर जिल्लामा ९९ जना र भक्तपुर जिल्लामा २५ जनामा कोरोना संक्रमण देखिएको छ । हाल देशभर ६ हजार ७५५ जना सक्रिय संक्रमित रहेका छन् ।
