काठमाडौँ । पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज ११८६ जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो ।
मन्त्रालयका अनुसार आज काठमाडौं जिल्लामा ७९५ जना, ललितपुर जिल्लामा २३९ जना र भक्तपुर जिल्लामा १५२ जनामा कोरोना संक्रमण देखिएको छ ।
हिजो काठमाडौं उपत्यकामा विभिन्न प्रयोगशालमा गरिएको परीक्षणमा ९५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको थियो ।
हिजो काठमाडौं जिल्लामा ६२४ जना, ललितपुर जिल्लामा १६५ जना र भक्तपुर जिल्लामा १७० जनामा कोरोना संक्रमण देखिएको छ । यसरी काठमाडौं उपत्यकामा हिजो भन्दा आज २०० जना भन्दा बढीमा कोरोना संक्रमण देखिएको छ ।
