काठमाडौँ, असोज १७ । काठमाडौं उपत्यकामा विभिन्न प्रयोगशालमा गरिएको परीक्षणमा आज काठमाडौँ जिल्लामा १००१ जनासहित ११७७ जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगमा सो कुराको जानकारी दिएका छन् ।
मन्त्रालयका प्रवक्ता डा. गौतमका अनुसार आज काठमाडौं जिल्लाका १००१ जना, ललितपुर जिल्लाका १०९ जना र भक्तपुर जिल्लाका ६७ जनामा कोरोना संक्रमण देखिएको छ । हिजो एकैदिन काठमाडौं उपत्यकामा १६३८ जनामा कोरोना संक्रमण पुष्टि भएको थियो ।
पछिल्ला दिनहरुमा राजधानी काठमाडौँमा संक्रमितको संख्या बढिरहेको छ । नयाँ कोरोना संक्रमितहरु कुन-कुन ठाउँका हुन् भन्ने जानकारी मन्त्रालयले दिएको छैन ।
यो पनि पढ्नुहोस्
काठमाडौँमा १२८० सहित उपत्यकामा आज एकैदिन १६३८ जनामा कोरोना संक्रमण पुष्टि
